सडक अवरुद्ध भएपछि पैदलै गन्तव्यतर्फ (तस्बिरमा हेर्नुहोस्)

काठमाडौं । संघीय राजधानी काठमाडौं आवातजावत गर्ने मुख्य नाका अवरुद्ध छ । शुक्रबार र शनिबार परेको अविरल वर्षासँगै गएको पहिरोले सडक अवरुद्ध हुँदा यात्रुहरूले सास्ती व्यहोर्नु परेको छ । 

राजमार्गका ठाउँठाउँमा पहिरो जाँदा सवारीसाधन बीचमै रोकिएका छन् । नौबिसे–नागढुंगाअन्तर्गत धादिङको झाप्लेखोलामा पहिरो जाँदा शुक्रबार बिहानदेखि सडक अवरुद्ध भएको छ । सवारीसाधन चल्न सकेको छैन । 

सडक अवरुद्ध हुँदा यात्रुहरू हिँडेरै गन्तव्यतर्फ लागेका छन् । सवारीसाधन सञ्चालन हुन नसकेपछि आफ्ना सामान बोकेर यात्रुहरू गन्तव्यतर्फ लागेका हुन् । 

तस्बिरहरू : हरिशजंग क्षेत्री/बाह्रखरी