झ्याप्लेखोला पहिरो : यसरी गरिँदै छ उद्धार (तस्बिरहरू)

काठमाडौं । नौबिसे–नागढुंगाअन्तर्गत धादिङको झाप्लेखोलामा पहिरो जाँदा सवारीसाधन पुरिएका छन् । पुरिएका सवारीसाधनबाट शनिबार र आइतबार अपराह्नसम्म गरी २७ शव निकालिएको छ । 

धादिङका प्रहरी उपरीक्षक (एसपी) गौतम केसीका अनुसार पहिरोमा बस र माइक्रो गरी चार वटा सवारीसाधन पुरिएको आशंका गरिएको छ । 

स्काभेटर र अन्य सामग्रीमार्फत उद्धार कार्यलाई निरन्तरता दिइरहेको छ । उक्त पहिरोमा बुटवलबाट आएको माइक्रोबस, गोरखाबाट आएको बस र चितवनबाट आएको अर्को माइक्रोबसका यात्रुहरू त्यहाँ फसेको सशस्त्र प्रहरीको भनाइ छ । अन्य सवारीसाधन पनि पुरिएको आशंकामा खोजतलास भइरहेको बताइएको छ । 

उद्धारमा नेपाली सेना, नेपाल प्रहरी, सशस्त्र प्रहरी, स्थानीय जनप्रतिनिधि, स्थानीयलगायत छन् । 

तस्बिरहरू हेर्नोस्